हा या वर्षातील ३२० वा (लीप वर्षातील ३२१ वा) दिवस आहे.

महत्त्वाच्या घटना:

२०१३ : २४ वर्षांच्या प्रदीर्घ कारकिर्दीनंतर महान क्रिकेटपटू सचिन तेंडुलकर याची क्रिकेटमधून निवृती व त्यानंतर काही तासातच त्यास ’भारतरत्‍न’ हा भारतातील सर्वोच्‍च नागरी किताब जाहीर झाला. त्याला हा सन्मान सर्वात लहान वयात (४०) मिळाला.
२००० : कवीकुलगुरू कालिदास संस्कृत विद्यापीठातर्फे दिला जाणारा ’संस्कृत रचना पुरस्कार’ डॉ. गजानन बाळकृष्ण पळसुले यांना जाहीर.
१९९७ : अनिवासी भारतीय उद्योजक स्वराज पॉल यांना ब्रिटनमधील ब्रॅडफोर्ड विद्यापीठाकडून सन्माननीय डॉक्टरेट प्रदान
१९९६ : कोकण रेल्वेच्या रत्‍नागिरी - मुंबई मार्गाचा शुभारंभ
१९९६ : ’चतुरंग प्रतिष्ठान’च्या ’पर्सन ऑफ प्राईड’ पुरस्कारासाठी मुख्य निवडणुक आयुक्त टी. एन. शेषन यांची निवड
१९८८ : अकरा वर्षांनंतर झालेल्या सार्वत्रिक निवडणुका जिंकुन बेनझीर भुट्टो पाकिस्तानच्या पंतप्रधान बनल्या.
१९४५ : युनेस्को (UNESCO) ची स्थापना झाली.
१९३० : स्वातंत्र्यवीर सावरकर यांनी रत्‍नागिरीत स्पृश्यास्पृश्यांचे पहिले प्रकट सहभोजन केले.
१९१५ : लाहोर कटातील आरोपी विष्णू गणेश पिंगळे, बागी कर्तार सिंग यांच्यासह ७ जणांना फाशी देण्यात आली.
१९१४ : अमेरिकेतील मध्यवर्ती बँक ’फेडरल रिझर्व्ह' सुरू झाली.
१९०७ : ओक्लाहोमा हे अमेरिकेचे ४६ वे राज्य बनले.
१८९३ : डॉ. अ‍ॅनी बेझंट यांचे भारतात आगमन
१८६८ : लॅकियर आणि नान्सेन या शास्त्रज्ञांनी खग्रास सूर्यग्रहणाचा अभ्यास करून हेलियमचा शोध लावला. ग्रीक सूर्यदेवता ’हेलिऑस’ वरुन त्या वायूला हे नाव देण्यात आले आहे.

जन्मदिवस / जयंती / वाढदिवस:

१९७३ : पुल्लेला गोपीचंद – बॅडमिंटनपटू
१९६३ : मिनाक्षी शेषाद्री – अभिनेत्री
१९३० : मिहिर सेन – इंग्लिश खाडी पोहुन जाणारे पहिले भारतीय (मृत्यू: ११ जून १९९७)
१९२८ : डॉ. निर्मलकुमार फडकुले –  मराठी संत साहित्यातील विद्वान (मृत्यू: २९ जुलै २००६)
१९२७ : डॉ. श्रीराम लागू – ’नटसम्राट’, ’हिमालयाची सावली’, ’किरवंत’, ’क्षितीजापासून समुद्र’ इ. अनेक नाटकांतील प्रभावी चरित्र भूमिकांनी दोन दशके रंगभूमी गाजवणारे कलावंत, मराठी व हिन्दी चित्रपटांतील कलाकार
१९१७ : चित्रगुप्त श्रीवास्तव ऊर्फ ’चित्रगुप्त’ – संगीतकार (मृत्यू: १४ जानेवारी १९९१)
१८९४ : ’काव्यविहारी’ धोंडो वासुदेव गद्रे – केशवसुत संप्रदायी आधुनिक कवी (मृत्यू: २२ जानेवारी १९७५)
१८३६ : डेविड कालाकौआ – हवाईचा राजा (मृत्यू: २० जानेवारी १८९१)

मृत्यू / पुण्यतिथी / स्मृतिदिन:

२००६ : मिल्टन फ्रीडमन – नोबेल पारितोषिकविजेते अमेरिकन अर्थशास्त्रज्ञ (जन्म: ३१ जुलै १९१२)
१९६७ : रोशनलाल नागरथ ऊर्फ ‘रोशन‘ – संगीतकार (जन्म: १४ जुलै १९१७)
१९६० : क्लार्क गेबल – अमेरिकन अभिनेता (१ फेब्रुवारी १९०१)
१९५० : डॉ. बॉब स्मिथ – ’अल्कोहोलिक्स अ‍ॅनॉनिमस’चे एक संस्थापक (जन्म: ८ ऑगस्ट १८७९)
१९१५ : गदर पार्टीचे सदस्य आणि लाहोर कटातील क्रांतिकारक विष्णू गणेश पिंगळे यांच्यासह ७ जणांना फाशी देण्यात आले. (जन्म: ? ? १८८८ - तळेगाव ढमढेरे, पुणे)


Check another day
Check another day
Click here to get the best FREE antivirus

Pageviews

This page was updated on Saturday, 11 January, 2014 22:41