-: दिनविशेष :-
१९ आक्टोबर
महत्त्वाच्या घटना:
२००५
मानवतेविरुद्ध गुन्ह्यांसाठी सद्दाम हुसेन यांच्याविरुद्ध खटला सुरू झाला.
२०००
पार्श्वगायिका आशा भोसले यांना राज्यशासनाचा गानसम्राज्ञी लता मंगेशकर पुरस्कार प्रदान
१९९४
रुद्रवीणावादक उस्ताद असद अली खाँ यांना मध्य प्रदेश सरकारचा ‘तानसेन पुरस्कार’ जाहीर.
(Image Credit: Wikipedia)
१९९३
पुण्याजवळील महारेडिओ दुर्बिण (GMRT) प्रकल्पाचे जनक आणि शास्त्रज्ञ प्रा. गोविंद स्वरुप यांना सर सी. व्ही. रामन पदक जाहीर
१९७०
भारतीय बनावटीचे पहिले मिग लढाऊ विमान हवाईदलाकडे सुपुर्द
१९४४
दुसरे महायुद्ध – अमेरिकन फौजा फिलीपाइन्सला पोचल्या.
१९३५
इथिओपियावर आक्रमण केल्यामुळे राष्ट्रसंघाने (League of Nations) इटलीवर आर्थिक निर्बंध घातले.
१९२७
पॅन अ‍ॅम या अमेरिकन विमानकंपनीच्या कामकाजास सुरुवात झाली. १४ मार्च १९२७ रोजी या कंपनीची स्थापना झाली होती आणि ४ डिसेंबर १९९१ रोजी या कंपनीने दिवाळखोरी जाहीर केली.
(Image Credit: Wikipedia)
१८१२
नेपोलियन बोनापार्टने मॉस्कोच्या सीमेवरुन माघार घेतली.
१२१६
इंग्लंडचा राजा जॉन मृत्यूमुखी पडल्यामुळे त्याचा ९ वर्षाचा मुलगा हेन्‍री हा राजेपदी आरुढ झाला.
जन्मदिवस / जयंती / वाढदिवस:
१९५६
अजय सिंग देओल ऊर्फ ‘सनी देओल’ – बॉलीवूड कलाकार, दिग्दर्शक, निर्माता आणि राजकारणी, १७ व्या लोकसभेतील भारतीय जनता पक्षाचे खासदार (गुरुदासपूर, पंजाब)
(Image Credit: Wikipedia)
१९५४
प्रिया तेंडुलकर – रंगभूमी, चित्रपट व दूरचित्रवाणीवरील अभिनेत्री, लेखिका, सामाजिक कार्यकर्त्या. ‘जन्मलेल्या प्रत्येकासाठी’ या त्यांच्या कथासंग्रहाला राज्य सरकारचा पुरस्कार मिळाला होता.
(मृत्यू: १९ सप्टेंबर २००२)
(Image Credit: Stars Unfolded)
१९३६
शांताराम नांदगावकर – गीतकार व कवी, विधानपरिषद सदस्य (शिवसेना - १९८५)
(मृत्यू: ११ जुलै २००९ - मुंबई)
(Image Credit: Indian Film History)
१९२५
डॉ. वामन दत्तात्रय तथा ‘वा. द.’ वर्तक – वनस्पतीशास्त्रज्ञ व देवराई अभ्यासक
(मृत्यू: १७ एप्रिल २००१)
१९२०
पांडुरंग वैजनाथ तथा पांडुरंगशास्त्री आठवले – कृतीशील विचारवंत आणि तत्त्वज्ञ. न्याय, वेदांत व्याकरण आदि शास्त्रांचा अभ्यास केल्यानंतर पौर्वात्य व पाश्चिमात्य तत्त्वज्ञानाचा त्यांनी तौलनिक अभ्यास केला. अवघ्या वीस सहकार्‍यांना बरोबर घेऊन त्यांनी ‘स्वाध्याय परिवार’ सुरू केला. त्यांचा जन्मदिन स्वाध्याय परिवारातर्फे ‘मनुष्य गौरव दिन’ म्हणून साजरा केला जातो.
(मृत्यू: २५ आक्टोबर २००३ - मुंबई)
(Image Credit: Wikipedia)
१९१०
सुब्रमण्यम चंद्रशेखर – तार्‍यांचे आयुर्मान व त्यांचा शेवट यावरील संशोधनासाठी १९८३ मधे नोबेल पारितोषिक मिळालेले भारतीय-अमेरिकन खगोल वैज्ञानिक व गणिती. त्यांनी आपल्या आयुष्यातील बराच काळ कृष्णविवरांवरील (Black Holes) संशोधनासाठी खर्च केला. यांचे काका सी. व्ही. रामन यांनाही भौतिकशास्त्रातील नोबेल पारितोषिक (१९३०) मिळाले आहे. भौतिकशास्त्रात नोबेल मिळवणारे हे दोघेच भारतीय वंशाचे आहेत.
(मृत्यू: २१ ऑगस्ट १९९५)
(Image Credit: The Nobel Prize)
१९०२
दिवाकर कृष्ण केळकर तथा दिवाकर कृष्ण – कथालेखक. ‘किशोरीचे हृदय’, ‘विद्या आणि वारुणी’ ही कादंबरी, ‘तोड ही माळ’ हे नाटक व अनेक कथासंग्रह त्यांनी लिहीले.
(मृत्यू: ३१ मे १९७३ - हैदराबाद, आंध्र प्रदेश)
मृत्यू / पुण्यतिथी / स्मृतिदिन:
१९५०
विष्णू गंगाधर तथा दादासाहेब केतकर – पुणे विद्यार्थी गृहाचे एक संस्थापक
(जन्म: ९ एप्रिल १८८७)
(Image Credit: PVG Vidya Bhavan)
१९३४
विश्वनाथ कार – ओडिया लेखक, संपादक व समाजसुधारक. १८९६ मधे त्यांनी एक छापखाना काढून ‘उत्कल साहित्य’ नावाचे सर्वस्वी साहित्याला वाहिलेले दर्जेदार नियतकालिक सुरू केले.
(जन्म: २४ डिसेंबर १८६४)
(Image Credit: Wikidata)
