-: दिनविशेष :-

२० एप्रिल

  महाराष्ट्रात काही गावांच्या नावापुढे ‘दुमाला’ हा प्रत्यय असलेला आढळतो. उदा:- कसारा दुमाला, शिरोली दुमाला इ.

  पूर्वी पेशव्यांच्या कारकिर्दीत मराठा सरदारांना काही गावांची जहागिरी देण्यात येई. मात्र त्यातील काही गावांवर पूर्णपणे त्या सरदाराचा अधिकार नसे. तर पेशवे व तो सरदार अशा दोघांचा अंमल असे. अशा गावांपुढे ‘दुमाला’ (दोघांची मालकी) असा प्रत्यय लावत असत!


महत्त्वाच्या घटना:

१९४६

राष्ट्रसंघ (League of Nations) ही संस्था विसर्जित करण्यात आली. पुढे याचेच संयुक्त राष्ट्रांच्या संघटनेमध्ये (United Nations) रुपांतर झाले.

१९४५

दुसरे महायुद्ध – अमेरिकन फौजांनी लाइपझिग शहराचा ताबा घेतला.

१९३९

अ‍ॅडॉल्फ हिटलरचा ५० वा वाढदिवस जर्मनीमध्ये सार्वजनिक सुट्टी देऊन साजरा करण्यात आला.

१७७०

प्रसिद्ध दर्यावर्दी व सागर संशोधक कॅप्टन जेम्स कूक यांनी ऑस्ट्रेलिया खंडाचा शोध लावला.

१७४९

मराठा साम्राज्याचा ध्वज अटकेपार नेणार्‍या पेशव्यांचे श्रद्धास्थान असलेल्या देवदेवेश्वर मंदिराची नानासाहेब पेशवे यांनी पर्वतीवर स्थापना केली.

जन्मदिवस / जयंती / वाढदिवस:

१९५०

चंद्राबाबू नायडू – (अविभाजित) आंध्र प्रदेशचे मुख्यमंत्री

१९३९

उस्ताद सईदुद्दीन डागर

सईदुद्दीन डागर – धृपद गायकीची परंपरा असलेल्या डागर घराण्यातील १९ व्या पिढीतील गायक.
(मृत्यू: ३० जुलै २०१७)

(Image Credit: दिव्यमराठी)

१९१४

गोपीनाथ मोहंती – ज्ञानपीठ पारितोषिक विजेते ओरिया साहित्यिक
(मृत्यू: २० ऑगस्ट १९९१)

१८९६

ह. भ. प. शंकर वामन तथा ‘सोनोपंत’ दांडेकर – पुण्यातील स. प. महाविद्यालयाचे प्राचार्य, तत्वज्ञानाचे प्राध्यापक व प्रवचनकार, महाराष्ट्रातील वारकरी संप्रदायाचे प्रणेते (मृत्यू: ९ जुलै १९६८)

१८८९

अ‍ॅडॉल्फ हिटलर – बव्हेरियाच्या सरहद्दीवरील ब्रानाउ आम इन या गावी सकाळी साडे सहा वाजता नाझी हुकुमशहा अ‍ॅडॉल्फ हिटलरचा जन्म झाला. तो आपल्या बापाच्या तिसऱ्या लग्नसंबंधापासून झालेला तिसरा मुलगा होता. (मृत्यू: ३० एप्रिल १९४५)

७८८

आदि शंकराचार्य [वैशाख शु. १० शके ७१०]
(मृत्यू: ? ? ८२०)

मृत्यू / पुण्यतिथी / स्मृतिदिन:

२०२१

महेंद्रसिंह पेशवे

महेंद्रसिंह पेशवे – थोरले बाजीराव पेशवे यांचे नववे वंशज, हिंदवी स्वराज महासंघाचे कार्याध्यक्ष, वाराणसीच्या अन्नपूर्णा ट्रस्टचे विश्वस्त, हिरे व रत्नपारखी
(जन्म: ?? ?? १९६४)

(Image Credit: The Democratic Times)

१९९९

कमलाबाई ओगले

(Image Credit: Bytes of India)

कमलाबाई कृष्णाजी ओगले – ‘रुचिरा’ या पाकशास्त्रावरील प्रचंड खपाच्या पुस्तकाच्या लेखिका (जन्म: १६ सप्टेंबर १९१३)

१९७०

शकील बदायूँनी

(Image Credit: rekhta.org)

शकील बदायूँनी – गीतकार आणि शायर (जन्म: ३ ऑगस्ट १९१६ - बदायूँ, उत्तर प्रदेश)

१९६०

अमल ज्योती तथा ‘पन्‍नालाल’ घोष – बासरीवादक व संगीतकार (जन्म: २४ जुलै १९११)

१९३८

‘भारताचार्य’ चिंतामणराव वैद्य – न्यायाधीश, कायदेपंडित, लेखक, आणि इंग्रजी व संस्कृतचे जाणकार. महाभारताच्या मराठी भाषांतराचा समारोप म्हणून त्यांनी लिहिलेल्या ‘महाभारताचा उपसंहार’ या ग्रंथामुळे लोकमान्यांनी त्यांना ‘भारताचार्य’ ही पदवी दिली. (जन्म: १८ आक्टोबर १८६१)

१९१८

कार्ल ब्राऊन – नोबेल पारितोषिकविजेते जर्मन भौतिकशास्त्रज्ञ (जन्म: ६ जून १८५०)


Pageviews

This page was last modified on 21 April 2021 at 1:26pm