हा या वर्षातील २०२ वा (लीप वर्षातील २०३ वा) दिवस आहे.

       अंटार्क्टिका खंडावर साम्राज्य आहे ते बर्फाचेच! या खंडाचे क्षेत्रफळ आहे सुमारे एक कोटी चाळीस लाख चौरस किमी. यापैकी सुमारे ९८% भाग बर्फाने व्यापलेला आहे. या बर्फाची कमीतकमी जाडी १९०० मीटर आहे. हा सर्व बर्फ वितळला तर पृथ्वीवरील पाण्याची पातळी सुमारे दोनशे फूट वाढेल व समुद्रकिनार्‍यालगतच्या बर्‍याच मोठ्या शहरांना जलसमाधी मिळेल. अंटार्क्टिका

महत्त्वाच्या घटना:

२००२ : जगभर दूरसंचार सेवा पुरवणार्‍या ’वर्ल्ड कॉम’ या अमेरिकन कंपनीने दिवाळखोरी घोषित केली.
१९८३ : अंटार्क्टिकावरील व्होस्टॉक येथे उणे ८९.२ सेल्सिअस या पृथ्वीवरील आत्तापर्यंतच्या सर्वात नीचांकी तापमानाची नोंद केली गेली.
१९७६ : आयर्लंडमधील ब्रिटिश राजदूताची हत्या
१९६० : सिरीमाओ बंदरनायके या श्रीलंकेच्या ६ व्या पंतप्रधान बनल्या. त्या जगातील पहिल्या महिला पंतप्रधान होत.
१९४४ : २० जुलै १९४४ रोजी अ‍ॅडॉल्फ हिटलरची हत्या करण्याचा प्रयत्‍न करणाऱ्या क्लाऊस व्हॉन स्टाऊफेनबर्गला फाशी देण्यात आले.
१८३१ : बेल्जिअमचा पहिला राजा लिओपॉल्ड याचा शपथविधी झाला.

जन्मदिवस / जयंती / वाढदिवस:

१९४७ : चेतन चौहान – सलामीचे फलंदाज आणि राज्यसभा सदस्य
१९३४ : चंदू बोर्डे – क्रिकेट कप्तान आणि निवड समितीचे अध्यक्ष
१९३० : डॉ. रा. चिं. ढेरे – सांस्कृतिक संशोधक
१९२० : आनंद बक्षी – गीतकार (मृत्यू: ३० मार्च २००२)
१९१० : वि. स. पागे – स्वातंत्र्यसैनिक, गांधीवादी कार्यकर्ते, संत वाङ्‍मयाचे अभ्यासक, महाराष्ट्र विधानसभेचे सभापती, रोजगार हमी योजनेचे जनक (मृत्यू: १६ मार्च १९९०)
१८९९ : अर्नेस्ट हेमिंग्वे – नोबेल पारितोषिक विजेते अमेरिकन लेखक (मृत्यू: २ जुलै १९६१)
१८५३ : शंकर बाळकृष्ण दीक्षित – ज्योतिर्विद, पाश्चिमात्य व पौर्वात्य जोतिषगणिताचे अभ्यासक, ग्रंथलेखक (मृत्यू: २७ एप्रिल १८९८)

मृत्यू / पुण्यतिथी / स्मृतिदिन:

२००९ : गंगूबाई हनगळ – किराणा घराण्याच्या शास्त्रीय गायिका (जन्म: ५ मार्च १९१३)
२००१ : विझुपुरम चिन्नया तथा शिवाजी गणेशन – दाक्षिणात्य अभिनेते (जन्म: १ आक्टोबर १९२८)
१९९५ : सज्जाद हुसेन – संगीतकार व मेंडोलीनवादक (जन्म: १५ जून १९१७ - सीतामहू, मंदसौर, मध्य प्रदेश)
१९९७ : राजा राजवाडे – साहित्यिक (जन्म: १ जानेवारी १९३६)
१९९४ : डॉ. र. वि. हेरवाडकर – इतिहास संशोधक, वाङ्‌मय समीक्षक, मराठी बखर वाङ्‌मयाचे व्यासंगी अभ्यासक (जन्म: ? ? ????)
१९७२ : जिग्मे दोरजी वांगचुक – भूतानचे राजे (जन्म: २ मे १९२९)


Check another day
Check another day
Click here to get the best FREE antivirus

Pageviews

This page was updated on Tuesday, 14 January, 2014 13:02