हा या वर्षातील १०८ वा (लीप वर्षातील १०८ वा) दिवस आहे.

महत्त्वाच्या घटना:

२००१ : भूसंलग्न उपग्रह प्रक्षेपक (GSLV- D1) वाहकाचे रशियन बनावटीच्या क्रायोजेनिक इंजिनाच्या साहाय्‍याने श्रीहरिकोटा तळावरून यशस्वी प्रक्षेपण
१९७१ : एअर इंडियाचे पहिले बोईंग ७४७ जंबो जेट विमान ’सम्राट अशोक’ शाही दिमाखात सकाळी ८-२० वाजता सांताक्रूझ विमानतळावर दाखल.
१९५४ : गामल अब्दल नासर याने इजिप्तची सत्ता ताब्यात घेतली.
१९५० : आंध्र प्रदेशातील तेलंगणा येथील पोचमपल्ली खेड्यातील ८० एकर जमीनीच्या भूदानाने विनोबा भावे यांची भूदान चळवळ सुरू झाली.
१९३६ : पेशव्यांची राजधानी असणार्‍या पुण्यातील शनिवारवाडा पुरातत्व विभागाकडे सुपूर्त करण्यात आला.
१९३० : क्रांतिकारकांनी चितगाव येथील शस्त्रागार लुटले.
१९३० : आज काहीही बातमी नाही असे बी. बी. सी. या नभोवाणी केंद्रावरुन सांगण्यात आले.
१९२४ : सायमन व शूस्टर यांनी पहिले शब्दकोड्यांचे पुस्तक प्रकाशित केले.
१९२३ : पुण्याच्या शिवाजी मंदिरात शिवजयंतीला छत्रपती शिवाजी महाराज यांच्या संगमरवरी अर्धपुतळ्याची स्थापना. हा राज्यातील पहिला शिवपुतळा. या पुतळ्याचे अनावरण मंदिराचे देणगीदार दिवंगत गणेश गोखले यांचे चिरंजीव डॉक्टर महादेव गोखले यांच्या हस्ते करण्यात आले.
१९१२ : ’टायटॅनिक’ मधील वाचलेले ७०५ प्रवासी घेऊन ’कार्पेथिया’ हे जहाज न्यूयॉर्कला पोचले
१८९८ : [चैत्र व. १३ शके १८२०] जुलमी प्लेग अधिकारी रँड याचा खून करणारे दामोदर चापेकर यांना फाशी
१८५३ : मुंबईहून ठाण्यापर्यंत नियमित रेल्वे सेवा सुरू झाली.
१८३१ : ’यूनिव्हर्सिटी ऑफ अलाबामा’ ची स्थापना झाली.
१७२० : [चैत्र व. ८] शाहू छत्रपती यांच्याकडून पहिले बाजीराव पेशवे यांना कर्‍हाडनजीक मसूर येथे पेशवाईची वस्त्रे मिळाली.
१७०३ : औरंगजेबाने सिंहगड ताब्यात घेतला.
१३३६ : [वैशाख शु. ७ शके १२५८] हरिहर व बुक्‍क यांनी विजयनगरच्या हिंदू राज्याची स्थापना केली.

जन्मदिवस / जयंती / वाढदिवस:

१९५८ : माल्कम मार्शल – वेस्ट इंडिजचा क्रिकेटपटू (मृत्यू: ४ नोव्हेंबर १९९९)
१९५६ : पूनम धिल्लन – अभिनेत्री
१९१६ : ललिता पवार – अभिनेत्री (मृत्यू: २४ फेब्रुवारी १९९८)
१८५८ : महर्षी अण्णासाहेब तथा धोंडो केशव कर्वे – स्त्रीशिक्षण व विधवा विवाह यातील कर्ते समाजसुधारक, पद्मभूषण, भारतरत्‍न (मृत्यू: ९ नोव्हेंबर १९६२ - मुरुड)
१७७४ : [वैशाख शु. ७ शके १६९६ जयनाम संवत्सर] सवाई माधवराव पेशवा यांचा पुरंदर किल्ल्यावर जन्म (मृत्यू: २७ आक्टोबर १७९५)

मृत्यू / पुण्यतिथी / स्मृतिदिन:

२००२ : शरद दिघे – महाराष्ट्र विधान सभेचे अध्यक्ष (जन्म: ? ? ????)
२००२ : थोर हेअरडल – नॉर्वेजियन दर्यावर्दी व संशोधक (जन्म: ६ आक्टॊबर १९१४)
१९९९ : रघूवीर सिंह – आंतरराष्ट्रीय ख्यातीचे छायाचित्रकार (जन्म: २२ आक्टोबर १९४२ - जयपूर)
१९९५ : पंडित धुंडिराजशास्त्री ऊर्फ अण्णा लक्ष्मण दाते – पंचांगकर्ते आणि ज्योतिषशास्त्राचे व्यासंगी अभ्यासक (जन्म: ? ? ????)
१९७२ : डॉ. पांडुरंग वामन काणे – विख्यात कायदेपंडित आणि धर्मशास्त्राचे अभ्यासक, महामहोपाध्याय, भारतरत्‍न (जन्म: ७ मे १८८०)
१९६६ : जगन्नाथ गणेश गुणे तथा स्वामी कुवलयानंद – योगविद्येचे पुरस्कर्ते व शारीरिक शिक्षणतज्ञ, त्यांनी १९२४ मध्ये ’कैवल्यधाम’ नावाची योगशिक्षणसंस्था स्थापन केली. संस्थेतील प्रयोगांची माहिती व्हावी यासाठी ’योगमीमांसा’ नावाचे त्रैमासिक काढले. त्याचे ७ खंड प्रकाशित झाले आहेत. (जन्म: ३० ऑगस्ट १८८३ - डभई, गुजराथ)
१९५५ : अल्बर्ट आइनस्टाइन – जर्मन भौतिकशास्त्रज्ञ (जन्म: १४ मार्च १८७९)
१८९८ : दामोदर हरी चापेकर यांना फाशी [चार्ल्स रँड याची हत्या करणारे] (जन्म: २४ जून १८६९)
१८५९ : [चैत्र व. १] १८५७ च्या राष्ट्रीय उठावातील सेनापती रामचंद्र पांडुरंग तथा ’तात्या’ टोपे यांना फाशी देण्यात आले. (जन्म: ? ? १८१४)


Check another day
Click here to get the best FREE antivirus

Pageviews

This page was updated on Tuesday, 18 February, 2014 13:17