-: दिनविशेष :-

१३ ऑक्टोबर


महत्त्वाच्या घटना:

१९७०

फिजीचा संयुक्त राष्ट्रांत (United Nations) प्रवेश

१९४६

प्रभात फिल्म कंपनी

‘प्रभात फिल्म कंपनी’ विसर्जित करण्यात आली. १ जून १९२९ रोजी विष्णुपंत गोविंद दामले, शेख फत्तेलाल, व्ही. शांताराम व केशवराव धायबर या महाराष्ट्र फिल्म कंपनीतील चार कलावंतांनी कोल्हापूर येथील एक सराफ सीतारामपंत विष्णु कुलकर्णी यांच्या आर्थिक साहाय्याने या कंपनीची स्थापना केली होती.

(Image Credit: विकिपीडिया)

१९४६

फ्रान्सने नवीन संविधान अंगीकारले.

१९४४

दुसरे महायुद्ध - लाल सैन्याने लाटवियाची राजधानी रिगा जिंकली.

१९२९

पुण्यातील पर्वती देवस्थान दलितांना खुले झाले. त्यासाठी सत्याग्रह झाला होता.

१९२३

मुस्तफा कमाल पाशाने तुर्कस्तानची राजधानी इस्तंबूल वरुन अंकारा येथे हलवली.

१८८४

लंडन शहराजवळील ग्रिनिच या गावाजवळून जाणारे रेखावृत्त शून्य मानणे या गोष्टीला आंतरराष्ट्रीय मान्यता मिळाली व त्यानुसार सर्व जगाची वेळ निश्चित केली गेली.

५४

नीरो १७ व्या वर्षी रोमन सम्राट बनला.

जन्मदिवस / जयंती / वाढदिवस:

१९४८

नुसरत फतेह अली खान – पाकिस्तानी सूफी गायक
(मृत्यू: १६ ऑगस्ट १९९७)

१९४१

जॉन स्‍नो – इंग्लिश क्रिकेटपटू

१९२५

मार्गारेट थॅचर – ब्रिटनच्या पहिल्या महिला पंतप्रधान
(मृत्यू: ८ एप्रिल २०१३)

१९११

अशोक कुमार गांगूली ऊर्फ ‘दादामुनी’ – चित्रपट अभिनेते, पद्मश्री (१९६२), दादासाहेब फाळके पुरस्कार (१९८९), ५३ वर्षांच्या प्रदीर्घ कारकिर्दीत सुमारे ४०० चित्रपटांत भूमिका केल्या
(मृत्यू: १० डिसेंबर २००१)

१८७७

भुलाभाई देसाई

भुलाभाई देसाई – स्वातंत्र्यसेनानी व कायदेपंडित, होमरुल चळवळीतील कार्यकर्ते, १९३१ मधे ‘गांधी-आयर्विन’ कराराप्रमाणे त्यांनी बार्डोलीच्या शेतकर्‍यांची बाजू मांडली. १९३२ मध्ये कायदेभंगाच्या चळवळीत भाग घेतल्याबद्दल त्यांना एक वर्षाचा कारावास व दहा हजार रुपये दंड अशी शिक्षा झाली होती.
(मृत्यू: ६ मे १९४६)

(Image Credit: Live Law)

मृत्यू / पुण्यतिथी / स्मृतिदिन:

२००१

डॉ. जाल मिनोचर मेहता – कुष्ठरोगतज्ञ, नामवंत शल्यचिकित्सक, सामाजिक कार्यकर्ते आणि लोकहिताबुद्धी, पुणे जिल्हा रेड क्रॉसचे अध्यक्ष, पद्मश्री (१९८२), ‘सिरम इन्स्टिट्युट ऑफ इंडिया‘ चे संचालक
(जन्म: ? ? ????)

१९९५

डॉ. रामेश्वर शुक्ल तथा ’अंचल’ – हिन्दी साहित्यिक (जन्म: १ मे १९१५ - किशनपूर, फतेहपूर, उत्तर प्रदेश)

१९८७

आभासकुमार गांगुली तथा किशोर कुमार – पार्श्वगायक, संगीतकार, गीतकार, निर्माता, दिग्दर्शक, आभिनेता व पटकथालेखक, त्यांनी सुमारे ४०० हून अधिक चित्रपटांत गाणी गायिली. ‘चलती का नाम गाडी’ सारख्या निखळ विनोदी चित्रपटाबरोबरच ‘दूर गगन की छाँव में’ सारखे गंभीर चित्रपटही काढले.
(जन्म: ४ ऑगस्ट १९२९)

१९४५

मिल्टन हर्शे – ‘द हर्शे चॉकलेट कंपनी’चे संस्थापक
(जन्म: १३ सप्टेंबर १८५७)

१९११

मार्गारेट नोबल ऊर्फ ‘भगिनी निवेदिता’ – स्वामी विवेकानंदांच्या शिष्या, भारतीय संस्कृतीच्या आणि स्वातंत्र्याच्या पुरस्कर्त्या, त्या मूळच्या आयरिश होत्या. २५ मार्च १८९८ रोजी स्वामी विवेकानंदांनी त्यांना विधिवत ब्रम्हचारिणी व्रताची दीक्षा दिली व त्यांचे नाव ‘निवेदिता’ ठेवले.
(जन्म: २८ आक्टोबर १८६७)


Pageviews

This page was last modified on 06 May 2021 at 7:45pm