हा या वर्षातील २८१ वा (लीप वर्षातील २८२ वा) दिवस आहे.

महत्त्वाच्या घटना:

२००१ : सप्टेंबर ११ च्या अतिरेकी हल्ल्यांच्या पार्श्वभूमीवर अमेरिकेचे राष्ट्राध्यक्ष जॉर्ज बुश यांनी अंतर्गत सुरक्षा मंत्रालयाची (Department of Homeland Security) स्थापना केली.
१९८२ : पोलंडने ’सॉलिडॅरिटी’ व इतर सर्व कामगार संघटनांवर बंदी घातली.
१९६२ : अल्जीरीयाचा संयुक्त राष्ट्रांत प्रवेश
१९६२ : नाट्य निकेतन निर्मित, आचार्य अत्रे लिखित व प्रभाकर पणशीकर दिग्दर्शित ’तो मी नव्हेच’ या नाटकाचा पहिला प्रयोग दिल्ली येथील आयफॅक्स थिएटर येथे झाला.
१९५९ : स्वातंत्र्यवीर सावरकर यांना पुणे विद्यापीठाने सन्माननीय ‘डी-लिट’ पदवी घरी येऊन दिली.
१९३९ : दुसरे महायुद्ध - जर्मनीने पोलंडचा पश्चिम भाग ताब्यात घेतला.
१९३२ : ’इंडियन एअर फोर्स अ‍ॅक्ट’ द्वारे भारतीय वायूदलाची स्थापना झाली.

जन्मदिवस / जयंती / वाढदिवस:

१९३५ : मिल्खा सिंग – ’द फ्लाइंग सिख’
१९२८ : नील हार्वे – ऑस्ट्रेलियाचा क्रिकेटपटू
१९२६ : कुलभूषण पंडित तथा ’राजकुमार’ ऊर्फ ’जानी’ – जबरदस्त आवाजाने संवादफेक करून प्रेक्षकांना खूष करणारा हिन्दी चित्रपट अभिनेता (मृत्यू: ३ जुलै १९९६)
१९२२ : गोपालसमुद्रम नारायण अय्यर रामचंद्रन तथा डॉ. जी. एन. रामचंद्रन – संशोधक, आंतरराष्ट्रीय कीर्तीचे जैवभौतिक शास्त्रज्ञ (Biophysicist). वैज्ञानिकांना मिळणारे बहुतेक सर्व राष्ट्रीय सन्मान त्यांना मिळाले. (मृत्यू: ७ एप्रिल २००१ - चेन्नई, तामिळनाडू)
१८९१ : शंकरराव वासुदेव किर्लोस्कर – उद्योजक, साहित्यिक व चित्रकार. १९२० मधे त्यांनी किर्लोस्कर छापखान्याची स्थापना केली. त्यातुनच किर्लोस्कर, स्त्री व मनोहर या मासिकांचे संपादन सुरू केले. ’शंवाकिय’ हे त्यांचे आत्मकथन हा उत्कृष्ट आत्मचरित्राचा नमुना आहे. (मृत्यू: १ जानेवारी १९७५)
१८५० : हेन्‍री लुईस ली चॅटॅलिअर – फ्रेन्च रसायनशास्त्रज्ञ (मृत्यू: १७ सप्टेंबर १९३६)

मृत्यू / पुण्यतिथी / स्मृतिदिन:

२०१२ : नवल किशोर शर्मा – केन्द्रीय मंत्री व गुजरातचे राज्यपाल (जन्म: ५ जुलै १९२५)
२०१२ : वर्षा भोसले – पत्रकार व पार्श्वगायिका (जन्म: ?? १९५६)
१९९८ : इंदिराबाई हळबे ऊर्फ ’मावशी' – देवरुख येथील ’मातृमंदिर’ संस्थेच्या संस्थापिका, कोकणच्या मदर तेरेसा (जन्म: ? ? ????)
१९९६ : गोदावरी परुळेकर – मार्क्सवादी कम्युनिस्ट पक्षाच्या नेत्या, सामाजिक कार्यकर्त्या व लेखिका. महाराष्ट्रातील पहिल्या स्त्री वकील म्हणून त्यांनी सनद मिळवली. तलासरी, डहाणू, शिरगाव या भागातील डोंगरदर्‍यांत फिरून वारल्यांच्या पिळवणुकीचे अनुभव त्यांनी ऐकले व आदिवासींमधे जागृतीचे कार्य केले. ’जेव्हा माणूस जागा होतो’ हे त्यांचे पुस्तक वेगळ्या जगाची ओळख करुन देणारे आहे. (जन्म: १४ ऑगस्ट १९०७)
१९७९ : ’लोकनायक’ जयप्रकाश नारायण – स्वातंत्र्यसैनिक व सर्वोदयी नेते आणि आणीबाणीविरोधी लढ्याचे प्रेरणास्थान (जन्म: ११ आक्टोबर १९०२)
१९६७ : क्लेमंट अ‍ॅटली – इंग्लंडचे पंतप्रधान (जन्म: ३ जानेवारी १८८३)
१९३६ : धनपतराय श्रीवास्तव ऊर्फ ‘मुन्शी प्रेमचंद‘ – हिन्दी साहित्यिक. त्यांनी १५ कादंबर्‍या व ३०० कथा लिहील्या. त्यांचे २४ कथासंग्रह प्रसिद्ध झाले. (जन्म: ३१ जुलै १८८०)
१८८८ : महादेव मोरेश्वर कुंटे – कवी व संस्कृतचे प्राध्यापक. ’राजा शिवाजी’ हे त्यांचे काव्य विशेष गाजले. (जन्म: १ ऑगस्ट १८३५ - माहुली, सांगली, महाराष्ट्र)
१३१७ : फुशिमी – जपानचा सम्राट (जन्म: १० मे १२६५)


Check another day
Check another day
Click here to get the best FREE antivirus

Pageviews

This page was updated on Saturday, 18 January, 2014 0:10