हा या वर्षातील १२७ वा (लीप वर्षातील १२८ वा) दिवस आहे.

महत्त्वाच्या घटना:

२००० : व्लादिमीर पुतिन रशियाचे राष्ट्राध्यक्ष बनले.
२००० : कोची येथे झलेल्या आंतरराष्ट्रीय बुद्धिबळ स्पर्धेत तिरुअनंतपुरमचा नऊ वर्षाचा बुद्धिबळपटू अर्जुन विष्णुवर्धन याला भारतातील सर्वात लहान ’फिडे मास्टर’ होण्याचा मान मिळाला.
१९९२ : ’एन्डेव्हर’ हे अंतराळयान आपल्या पहिल्या मोहिमेवर निघाले.
१९९० : लता मंगेशकर यांना दादासाहेब फाळके पुरस्कार प्रदान
१९५५ : ’एअर इंडिया’ची मुंबई - टोकियो विमानसेवा सुरू झाली.
१९०७ : मुंबईत विजेवर चालणारी ट्रॅम सुरू झाली.
१८४९ : स्त्री शिक्षणाच्या इतिहासातील महत्त्वाचा टप्पा: जॉन इलियट ड्रिंकवॉटर बेथुन यांनी ’कलकत्ता फिमेल स्कूल’ सुरू केले. या शाळेचे आता ’बेथुन कॉलेज’ मध्ये रुपांतर झाले आहे.

जन्मदिवस / जयंती / वाढदिवस:

१९४८ : नित्यानंद हळदीपूर – मैहर घराण्याचे बासरी वादक
१९२३ : आत्माराम भेंडे – अभिनेते, दिग्दर्शक, लेखक. इंग्रजी रंगभूमीवर काम करणारे मराठी कलाकार (मृत्यू: ? ? ????)
१९१२ : पन्नालाल पटेल – ज्ञानपीठ पारितोषिक विजेते गुजराथी कथा-कादंबरीकार. चारशेहून अधिक कथांचे २५ संग्रह, ३२ कादंबर्‍या, ५ नाटके, बालसाहित्य यासारखी विपुल साहित्यसंपदा त्यांच्या नावावर आहे. (मृत्यू: ६ एप्रिल १९८९ - अहमदाबाद, गुजरात)
१८९२ : जोसेफ टिटो – क्रांतिकारक आणि युगोस्लाव्हियाचे पहिले राष्ट्राध्यक्ष (मृत्यू: ४ मे १९८०)
१८८० : डॉ. पांडुरंग वामन काणे – विख्यात कायदेपंडित आणि धर्मशास्त्राचे अभ्यासक, महामहोपाध्याय, भारतरत्‍न (मृत्यू: १८ एप्रिल १९७२)
१८६१ : रविंद्रनाथ टागोर – कवी, लेखक, कलावंत, तत्त्वचिंतक आणि शिक्षणतज्ञ, नोबेल पारितोषिक विजेते भारतीय लेखक. ’जन गण मन ...’ हे भारताचे राष्ट्रगीत त्यांनी लिहिले आहे. (मृत्यू: ७ ऑगस्ट १९४१)

मृत्यू / पुण्यतिथी / स्मृतिदिन:

२००२ : दुर्गा भागवत – साहित्यिका व मानववंशशास्त्रज्ञ (जन्म: १० फेब्रुवारी १९१०)
२००१ : मालती बेडेकर ऊर्फ ’विभावरी शिरुरकर’ – लेखिका (जन्म: १८ मार्च १९०५)
२००१ : प्रेम धवन – गीतकार, पद्मश्री पुरस्काराने सन्मानित, ’ए मेरे प्यारे वतन’ फेम (जन्म: १३ जून १९२३ - अंबाला, पंजाब)
१९९४ : उस्ताद नसीर झहिरुद्दिन डागर – ध्रुपद गायक (जन्म: ? ? ????)
१९९१ : गोपाळ नरहर तथा ’मनमोहन’ नातू – ’लोककवी’ (जन्म: ११ नोव्हेंबर १९११)


Check another day
Check another day
Click here to get the best FREE antivirus

Pageviews

This page was updated on Wednesday, 22 January, 2014 14:44