हा या वर्षातील ४६ वा दिवस आहे.

       ’ऊर्दू’ म्हणून ओळखल्या जाणार्‍या भाषेचे मूळ नाव होते ’हिंदी’! अमीर खूस्रोने तिचा प्रथम हिंदी म्हणून उल्लेख केला होता. नंतर दिल्ली व लखनौ येथील विद्वानांनी इ. स. १७२५ च्या सुमारास तिला ऊर्दू हे नाव दिले.
       ’ऊर्दू’ हा मुळात तुर्की भाषेतील शब्द असून त्याचा अर्थ ’लष्करी छावणी’ असा आहे.
उर्दू

महत्त्वाच्या घटना:

१९४२ : दुसरे महायुद्ध – सिंगापुरमध्ये ब्रिटिश सैन्याची शरणागती. ८०,००० भारतीय, ब्रिटिश व ऑस्ट्रेलियन सैनिक युद्धबंदी.
१९३९ : काँग्रेसच्या अध्यक्षपदी नेताजी सुभाषचंद्र बोस यांची निवड झाल्यावर मोठा पेचप्रसंग होऊन मतभेद झाले. त्यातून पंडित नेहरुंसह कार्यकारिणीच्या बारा सभासदांनी राजीनामे दिले.
१८७९ : अमेरिकेच्या सर्वोच्च न्यायालयात स्त्री वकिलांना खटले लढवण्यास परवानगी मिळाली.
  ३९९ : सॉक्रेटिसला मृत्यूदंडाची शिक्षा सुनावण्यात आली.

जन्मदिवस / जयंती / वाढदिवस:

१९७९ : हामिश मार्शल – न्यूझीलंडचा क्रिकेटपटू
१९५६ : डेसमंड हेन्स – वेस्ट इंडिजचा क्रिकेटपटू
१९४९ : नामदेव लक्ष्मण ढसाळ – दलित साहित्यिक (मृत्यू: १५ जानेवारी २०१४)
१८२४ : राजेन्द्रलाल तथा राजा मित्रा – बंगालमधील प्राच्यविद्या संशोधक, एशियाटिक सोसायटीचे पहिले अध्यक्ष (१८८५), भारतीय चित्रकला, शिल्पकला, राजकीय आणि सामाजिक विषयांवरील भाष्यकार (मृत्यू: २६ जुलै १८९१)
१७१० : लुई (पंधरावा) – फ्रान्सचा राजा (मृत्यू: १० मे १७७४)
१५६४ : गॅलेलिओ गॅलिली – इटालियन खगोलशास्त्रज्ञ आणि भौतिकशास्त्रज्ञ (मृत्यू: ८ जानेवारी १६४२)

मृत्यू / पुण्यतिथी / स्मृतिदिन:

१९८८ : रिचर्ड फाइनमन – क्‍वांटम इलेक्ट्रोडायनॅमिक्स मधील मूलभूत संशोधनाबद्दल नोबेल पारितोषिक (१९६५) मिळवणारे अमेरिकन पदार्थवैज्ञानिक (जन्म: ११ मे १९१८)
१९८० : मनोहर दिवाण – कुष्ठरोग्यांची सेवा करणारे पहिले भारतीय (जन्म: ? ? ????)
१९८० : कॉंम्रेड एस. एस. मिरजकर – भारतीय कम्युनिस्ट पक्षाचे संस्थापक सदस्य व ऑल इंडिया ट्रेड युनियन काँग्रेस (आयटक) चे अध्यक्ष (जन्म: ? ? ????)
१९५३ : सुरेशबाबू माने – किराणा घराण्याचे प्रसिद्ध गायक (जन्म: ? ? १९०२)
१९४८ : सुभद्राकुमारी चौहान – हिन्दी कवयित्री (जन्म: १६ ऑगस्ट १९०४)
१८६९ : मिर्झा ग़ालिब – ऊर्दू शायर (जन्म: २७ डिसेंबर १७९७)

Check another day
Click here to get the best FREE antivirus

Pageviews

This page was updated on Monday, 3 March, 2014 0:06